位於香港上環荷李活道嘅208 Duecento Otto，近日即將迎來成立10週年嘅里程碑。回想10年前於這向來寂靜嘅位置開業，最終將該處變成酒吧林立嘅餐飲天堂，208 Duecento Otto絕對係功不可沒。

人生有幾多個10年，咁大嘅日子當然要打造一份全新嘅菜單。今次208 Duecento Otto與New Food Project - 一間意大利高質食材供應商，建立獨家合作關係，後者將會為餐廳獨家採購多款食材，為嘅就係帶出意大利正宗風味。

來自摩德納及帕爾馬嘅精品Mortadella意式肉腸及Prosciutto意式火腿、意產蕃茄、意大利耶路薩冷亞枝竹、Friggitelli甜椒、各式芝士如Pecorino di Pienza以及獨特大小嘅布拉塔芝士，將會獨家供應，意式風味爆燈。

另外，208 Duecento Otto亦係首間將拿玻里薄餅引入香港本地市場嘅餐廳，再配以多款意大利芝士，及其他精心搜羅嘅牛肉食材，當中就好似有Fassona Beef Tartare，打造原始嘅皮埃蒙特風味。