日本樂天市場購物網，早前就推出咖哩促銷系列活動，匯集咗日本各地特色咖哩。而且為咗增加吸睛度，仲搵人製作5款「咖哩百景」，即係用咖哩飯呈現日本各地區的代表景物。呢5款「咖哩百景」分別係：

【北海道．東北代表】咖哩雪屋

【東海‧中部‧關東‧北陸代表】咖哩富士山

【近畿‧關西代表】咖哩古墓

【中國‧四國代表】咖哩嚴島鳥居

【九州‧沖縄代表】咖哩高千穗峽

【北海道．東北代表】咖哩雪屋

除了將白飯堆成雪屋外型外，仲用北海道著名的「鄂霍次克流冰咖哩」包圍著白飯雪屋，聽落都犀利！

【東海‧中部‧關東‧北陸代表】咖哩富士山

用紫米飯當作基底，頭頂白米飯呈現富士山冬季山頂覆雪嘅樣子。而咖哩則加入了山梨縣產的葡萄酒。

【近畿‧關西代表】咖哩古墓（堺市大仙陵古墳）

歷史文化氛圍濃厚的關西，喺白飯上面疊一層炸肉扒，塑造古墓的外型。而咖哩就用「奈良1300年咖哩」呢個1300年咖哩係採用1300年前古代日本人嘅食材來製成的，非常有古早風味。

【中國‧四國代表】咖哩嚴島鳥居

日本嚴島神社有一個被海水包圍的鳥居。講到中國（日本地區名）一帶地景，自然就會諗到嚴島神社呢座鳥居。用紅蘿蔔、魚肉香腸以及炸蝦組成鳥居，外面再抹上唐辛子增加辣味。而咖哩就用「宮島牡蠣咖哩」，呈現嚴島的海洋鮮味。

【九州‧沖縄代表】咖哩高千穗峽

講到日本民族神話的起點，就不得不提宮崎縣的「神話之鄉」高千穗；由於九州、沖繩地區較為溫暖，所以亦係日本水果產地。代表九州的香蕉以及沖繩的芒果，結合製作成「香蕉芒果咖哩」，就係呢個咖哩的特有味道。