乜咁大方呀！

著名時裝設計師Marc Jacobs小馬哥，日前居然非常豪爽地將小小馬哥及迷人半股嘅自拍照upload上instagram，毫不保留地同佢191,000位粉絲「些牙」，咁真心兼全身以待對自己嘅粉絲，講真，呢個年頭好少見囉。

等等先，嗰頭upload完相，轉頭就拉番落嚟，喂喂，咁即係代表佢係唔覺意自己手多多，兼唔小心地upload啦，原來唔係真心想「些牙」嘅，不過就真係唔好意思，忠誠嘅粉絲們一睇到就已經screenshot咗呢刻咁珍貴嘅小小馬哥艷照，連佢本人寫嘅caption "It's yours to try!"都原汁原味被capture落嚟。

本來呢，呢位現年52歲但身型依然fit爆嘅時裝設計師可以死口唔認數，因為張相係無影到樣，但奈何佢隻金戒指同獨一無二嘅紋身，兼且對照埋個iPhone case，所有証據址非常一致，一眼認出就係佢本尊，徹徹底底將佢賣，想賴皮都唔得啦！

小馬哥！下次記得小心啲啦！