食完飯仲覺口痕，又係食甜品增肥嘅時候。Mean娜屋企長期都有雪糕常伴左右，薄荷碎朱古力同雲呢拿都係賣飛佛，不過有唔少人都覺得雲呢拿口味好單調，其實只要加少少嘢，就可以令佢大變身，變得與別不同。

日本網友就推介咗5種雲呢拿雪糕新食法，快啲嚟學嘢啦！



加橄欖油+鹽

聽講先倒少少橄欖油落雲呢拿雪糕上，再灑少少鹽，口感就會好似意大利雪糕咁。

 加日本酒

日本網友話雲呢拿雪糕加上日本酒，就會出現冧酒嘅味道。

加即溶咖啡粒

直接將咖啡粒灑喺雲呢拿雪糕上，就可以食得，至於份量幾多，就睇個人口味，如果口味重，就可以灑多啲。

加天婦羅碎（天かす）

好似食落會有脆脆的口感，又唔影響雪糕味道。

加醬油

之前哈根大師喺日本都推出過「麻糬+砂糖醬油」口味嘅雪糕，所以我諗加醬油應該都合理嘅。