不同睡姿的正確姿勢

文：MenClub Mean娜　　圖：互聯網
POSTED ON 31 Jan 2018

成日瞓醒覺都覺得腰酸背痛？除咗因為枕頭、床褥唔啱之外，可能仲關你嘅睡姿事。雖然成日聽人話平瞓好啲，側瞓冇咁好乜乜乜，但人人都有唔同嘅瞓覺姿勢，有啲人一轉咗姿勢就瞓唔著，仲講咩點樣瞓先最好丫，甚至仲有人鍾意趴喺度瞓，真係吹佢唔脹～不如直接教不同睡姿嘅正確姿勢，個個都用得著咁仲實際啦～聽聞平瞓係最健康嘅瞓覺姿勢，習慣咁瞓嘅巴打可以試下將枕頭墊喺膝下同手臂，一樣可以減輕腰部負擔，而手臂位置亦可以減輕頸同手踭嘅壓力。

雖然趴住瞓的確唔係太好，但如果趴住瞓時可以將枕頭墊喺腰部，減少腰嘅支撐力，相對都會瞓得舒服啲。

如果你鍾意側瞓，可以試下夾個枕頭喺雙腿之間，因為多數人側瞓時，兩隻腳都唔會緊合，所以瞓覺時無形中會有壓力，加個枕頭就會好好多。