{ SKIP }
文:MenClub Mr.波特  圖:互聯網
POSTED ON 16 May 2017


今日NBA季後賽東岸次圈黎到「搶七大戰」,其中塞爾特人坐擁主場優勢迎戰巫師,雙方都為打入東岸決賽而傾盡自己嘅全部,所以呢場比賽絕對係非常非常咁精彩!




坐擁主場優勢,塞軍當然比巫師擁有更多獲勝的元素,而果然這支綠衫軍率先進入狀態。球隊領袖Isaiah Thomas係首節交出5分3助攻,後備嘅Kelly Olynyk亦同樣交出5分,基本上大打團體籃球嘅係以多點開花的,而巫師的兩大核心John Wall及Bradley Beal則分別攻入4分及5分,首節完結塞軍以27:23領先。


第二節,巫師開始進狀態,他們的進攻成功撕破塞軍的防守,其中Wall及Beal各自為球隊貢獻9分,在半場完結前,他們成功反超對手,並以2分之微領先進入更衣室。



進入下半場,巫師喺第三節大部份時間都處於領先嘅位置,最多曾領先塞軍5分。不過,就在呢一節餘下兩分幾鐘嘅時候,Thomas便迎黎一個小爆發,佢先憑罰球攻入兩分,之後又轉頭又命中一球3分,再過40秒後,佢又再入多球3分,個人連取8分,令塞軍即刻拎番領先優勢,最重要嘅係氣勢完全番晒主場塞軍呢一邊。



黎到最後一節塞軍手握6分優勢,而巫師即希望可以進行反撲,但可惜嘅係巫師手頭上嘅牌已經喺頭三節完全拎晒出黎,Wall同Beal都已經拼盡全力,但問題係後備完全無人可以挺身而出為正選們分擔,因此塞軍不斷擴大優勢,最多曾領先巫師13分,最終以115:105擊敗巫師,奪下「搶七大戰」嘅勝利。




球員數據:
Isaiah Thomas:29分12助攻、Kelly Olynyk:26分5籃板
Bradley Beal:38分4籃板、John Wall:18分11助攻7籃板


今仗主隊塞爾特人能夠勝出,靠嘅係擁有充足實力嘅後備席,佢地嘅後備今仗合共取得48分,再睇下巫師嘅後備席,竟然只有Bojan Bogdanovic一位後備成功得分,而佢亦都只係有5分進帳,因此兩隊嘅後備席分差達到43分,咁嘅分野巫師啲正選點會唔耗盡所有體力呢?


另外,巫師今仗雖然有Wall交出11次助攻,但係全隊加埋先得18次,相反塞軍就有成27次,可見塞軍全隊嘅配合都比巫師更好,而更多嘅傳球得分,代表更少嘅單打,咁樣球員嘅體力可以得到更多嘅保留。



成功擊敗巫師後,塞軍正式殺入東岸決賽,佢地嘅對手係已經得住好耐嘅騎士,騎士較早前已經橫掃左速龍,所以佢地休息嘅時間有成1個星期,面對以逸待勞嘅佢地,塞軍球員體能上將會有好大嘅考驗。當然,一直處於比賽狀態嘅塞軍,則應該可以較騎士更快進入狀態,呢個將會係塞軍很好擊敗騎士嘅機會,他們一定要係第一戰把握呢個小空間。另外,由於塞軍係今季嘅東岸一哥,因此佢地將擁有接下來東岸決賽嘅主場優勢,呢個都係塞軍可以擊敗騎士嘅重要一環。






最近Ubisoft喺公司年報提到,在單機遊戲加入「微交(microtransactions)」可以令玩家體驗更有趣,因為玩家可以課金買角色外觀裝飾,或者加速遊戲進度。 微交易系統(MTX)近年已成為遊戲業常態,並在大型 ...
hobby
【電玩】Ubisoft表示「微交易」讓遊戲變得更有趣 玩家能付費加快遊戲進度
22 Jul 2025
由Predator(血獸)擔正主角嘅《Predator: Badlands(鐵血戰士:蠻荒廝殺)》今日公開正式預告,展示更多精彩動作畫面!年輕血獸Dek為向族人證明自己嘅能力,前往宇宙最危險星球展開狩獵,但幸運嘅係,佢絕非孤身一 ...
hobby
【影視】鐵血戰士新作《Predator: Badlands》正式預告出爐 血獸聯手合成人展開狩獵
22 Jul 2025