「閃電俠」Dwyane Wade去年夏天因為母會熱火唔願意為佢開出大合同，所以無奈之下佢只能選擇離開，到家鄉芝加哥加盟公牛隊，並簽約兩年，第二年為球員選項。而喺公牛效力嘅第一個球季，雖然球隊曾經經歷大起大跌，最終Wade還是助球隊打入季後賽，只可惜核心球員Rajon Rondo不幸受傷，最終公牛被東岸一哥塞爾特人逆轉淘汰出局。

Wade生涯4次簽約情況：
1、2003年8月簽下3年850萬美元新秀合同，第4年為380萬美元球隊選項。

2、2006年7月同熱火續約一份3+1合同，第4年為球員選項。雖然今次Wade以頂薪續約，但因為續約合同只有4年而唔係5年，所以並唔算係最大頂薪，而呢份4年合同嘅總價值其實就只有6200萬美元，平均年薪為1550萬美元。

3、2010年7月再次與熱火續約，但為了騰出薪酬空間，Wade只簽下一份6年價值1.075億美元合同，平均年薪就只有1791萬美元，而第5及第6年則為球員選項。

4、2016年7月轉投公牛，同呢支家鄉球隊簽下一份兩年價值4700萬美元合同，平均年薪為2350萬美元，第二年為球員選項，係佢生涯平均年薪最高嘅一份合同。