《一騎當千》係日本漫畫家鹽崎雄二嘅作品，於2000年首度喺漫畫雜誌《月刊ComicGUM》連載，並於2003年改編為電視動畫。而《一騎當千》嘅故事戚講述封印住中國三國時代人物嘅勾玉輾轉流落到日本，並散落喺高中學生手上，而持有勾玉嘅人會被稱為「鬥士」，佢哋會繼承勾玉人物，為統一天下而戰鬥。不過《一騎當千》之所以咁出名，除咗因為有巴打喜歡嘅歷史元素之外，仲有唔少大奶奶同福利畫面放送，男士們自然睇得開心又興奮！

其實《一騎當千》已經出咗四季動畫兼兩套OVA，不過由於呢套作品實在太受歡迎，所以到而家Keep住繼續有嘢出，嚟緊最新嘅消息，就係會出完全新作動畫《一騎當千Western Wolves》！

新作《一騎當千 Western Wolves》係延續2015年2月推出嘅OVA《一騎當千Extravaganza Epoch》裡面嘅劇情，講述關東對關西鬥士間嘅戰爭，另外「新兔武藏」呢個角色亦會正式於動畫中登場，並由小清水亞美擔任聲優，渡部高志擔任總監督，佐藤光敏監督，本田雅也負責系列構成，以及Arms負責動畫製作，不過幾時有得睇呢，官方就未有消息喇。