今日繼續討論選擇耳機的話題，昨日已講過唔同耳機的基礎，今日就實際d講去買耳機的實際選擇重點。

一定要留意舒適度

耳機一定要考慮配戴的舒適度，當你試用一副耳機時，不單止要考慮佢的聲音，仲要考慮配戴的舒適度。因為如果你唔適應，聽半個小時後，你雙耳聽到熱哂，就可能會好唔舒適。又或有時不合你頭形的頭戴式耳機帶到你頭痛就唔係咁好。

選擇時要謹記，你可能每日都要戴住佢用，唔好折磨自己，要起碼用一小時以上唔覺辛苦。

假如預算高少少，就要特別留意音質看看是否適合自己，耳機有唔同品牌有不同的聲音取向，要試真試清晰點，有些特別強調低頻的耳機品牌低頻特別強烈，甚至當你聽開的不是金屬搖滾，唔駛太強調低頻力量時，可能就覺得太多低頻聽得耐好辛苦，唔同人要求不一樣先萬唔好靠別人讚賞就跟從。

當然，聲音是王道，但也必須考慮美學。除了聽聲，有時外觀樣式顏色都好重要。粉紅色的耳機可能會在商店中搶盡風頭脫穎而出，但走進車廂中平日您穿著西裝返工時你是否會覺得自己戴住佢好合適？

所以一般唔太搶鏡平實的耳機較多人選擇，因為有時我地唔會想過份出眾，呢個就是睇你的個人形象同取向！不過還有一點要注意，有些耳機是需要配合的器材才能發揮真正實力，例如某些耳機的強項是分析力，用來試mp3當然就無用，有些有線耳機需要加耳擴才能推好，咁你就要考慮是否有興趣繼續投資在這個玩意當中。將來會唔會買更好的播放機或獨立的耳機擴音機去推動佢。

而有一些耳機是可以再加配配件，例如換線材或換配唔同色的面板等等，買前最好留意清楚。

親身試用最好

買耳機最好的方式是親身好試用，多得某些耳機專賣店開創試用先河，而家香港好多耳機專賣店都可以試聽。當然如果你先參考左網絡上愈來愈多的耳機的評論，選出幾個你有興趣的型號重點試聽會較為事半功倍。

記住耳機都係音響之一，同之前音響入門買喇叭一樣，您應該使用您經常聽的音樂進行測試。而且記住用你常的器材或播放機去試聽，否則都係試唔出真章。