較早前成功喺MMA決鬥中，以鎖技成功令「寸咀拳王」McGregor投降嘅俄羅斯戰鬥機器Khabib，如今已經喺MMA比賽中錄得27戰全勝，絕對可以算得上係MMA嘅王者。

不過，強如Khabib一路走來都唔係完全順風順水，而佢喺正式成為職業拳手前，亦都曾經錄得敗績，並且最後更因落敗而痛哭。

喺Khabib16歲嘅成候，佢喺俄羅斯參加比賽，並成功打入決賽，有機會一爭世界冠軍寶座。可惜嘅係，面對嘅對手實力強勁，Khabib喺比賽期間中過對方唔少拳及腳，雖然無被直接KO，但最終經過統計點數後，Khabib不敵對手，痛失冠軍。

得知自己落敗後，Khabib非常失望並掩面跪在地上痛哭，對手見狀都上前將佢拉起身。

落敗雖然痛，但係卻可以令一個人變得更強，而相信Khabib因為呢場敗仗令佢勢要令自己變得更多，終於成就今日不敗嘅佢！