隨住2021年《新．福音戰士劇場版：終》，碇真嗣用一句「再見了，所有的EVANGELION」作結，無數Fans都認為呢個橫跨超過四份一世紀嘅神級IP正式畫上句號。不過，官方今日突然拋出震撼彈，宣布系列將會推出「完全新作」，並由以《尼爾》、《誓血龍騎士》系列聞名嘅橫尾太郎操刀劇本。

『エヴァ』30周年を記念するフェス「EVANGELION:30+； 30th ANNIVERSARY OF EVANGELION」最終日である2月23日(月・祝)Final Programにて『エヴァンゲリオン』完全新作シリーズの制作に関する初報を発表致しました。

シリーズ構成・脚本
ヨコオタロウ

監督
鶴巻和哉、谷田部透湖

音楽
岡部啓一

制作…

— 株式会社カラー (@khara_inc) February 23, 2026

據日媒報導，Khara喺《EVA》30週年紀念活動「EVANGELION:30+； 30th ANNIVERSARY OF EVANGELION」嘅最後一日，壓軸宣布將會製作一部全新嘅《EVA》系列作品。雖然官方目前尚未公布詳細標題同上映日期，但幕後班底非常豪華，劇本統籌將由《尼爾》系列聞名嘅橫尾太郎擔任、音樂則由同樣來自《尼爾》班底嘅岡部啓一負責、《EVA》系列老臣子鶴卷和哉及谷田部透湖擔任監督，並由Khara及CloverWorks聯手負責製作。值得留意嘅係，原作者庵野秀明並無出現喺製作名單上。

要知道橫尾太郎過去憑住《NieR: Automata》同《Drakengard）系列，以極度黑暗、絕望兼且鍾意「玩弄玩家心靈」（例如刪除你個Save）嘅敘事風格聞名。如今佢強勢加盟本來就充滿哲學同心理創傷嘅《EVA》世界，加上岡部啓一嗰種淒美又空靈嘅配樂，可以預期呢部新作絕望感隨時會幾何級數上升，大家真係要準備定胃藥。

目前企劃仍處於早期開發階段，官方僅公開咗一段充滿謎團嘅特報影片。究竟橫尾太郎會點樣「魔改」初號機？抑或係會寫出一個比「人類補完計劃」更癲嘅結局？大家拭目以待吧！