全球所有大型展會停擺，每年嘅電影節盛事今年當然無法如常，不過地球人適應能力好高，YouTube 就聯同20個知名電影節單位包括康城、威尼斯、柏林、辛丹斯、多倫多等全球知名電影節組成「We Are One」大型網上電影節由 5 月 29 日即明日開始，為期 10 日，將提供電影迷最精彩的免費電影，超級電影迷福利，係YouTube 睇無廣告呀！

「We Are One」網上電影節包含了超過 100 部電影，分別來自 35 個國家，其中包含 23 部劇情長片、8 部紀錄片、57 部劇情短片、15部紀錄短片，以及5 部新型 VR 電影（ 13 部全球首映，31 部網上首映），所有參展電影皆以免費播放的形式賣大包送畀影迷，今次贊助商youtube保證睇戲過程並無廣告。除此之外，也會有與Francis Ford Coppola、Steven Soderbergh、宋康昊、奉俊昊、Guillermo del Toro、Jane Campion、Claire Denis等知名電影人的網上交流座談會。唯一係唔知會唔會有中文字幕，不過歷來有參與電影的朋友可能不知道部分嘅外國電影未必有中文字幕。

今次電影節嘅中國代表有陳沖執導的長篇紀錄片《鐵榔頭》，故事係關於 中國奧運女排選手郎平嘅故事。 咁當然啦電影提供超過一百部電影，如果你依然只想睇中國電影，咁無人阻你，在家自由，如果你係電影迷，自己入去選擇，35個國家的31部長篇電影和72部短片上映，與會者仲有舉行15場座談節目總有一部適合你。