{ SKIP }
文:MenClub 波特先生  圖:互聯網
POSTED ON 28 May 2020

過去十年足球世界一直由美斯及C朗拿度統治,不過喺唔少人眼中,如今嘅C朗拿度並唔係最強嘅朗拿度,因為最強嘅朗拿度係黎自巴西嘅「外星人」朗拿度(Ronaldo Luís Nazário de Lima),至少佢嘅兩位前隊友羅拔圖卡路士及施維斯達都係咁認為。

卡路士認為,朗拿度係最強嘅足球員,因為佢覺得喺佢地嘅年代,入球比現今困難,球員之間嘅身體對抗強度大得多,而進攻球員受保護嘅情況相對較少,但朗拿度卻可以隨心所欲,入球停不了。

而於國米曾經同朗拿度共事過嘅法國左閘施維斯達就認為,你永遠都可以期望朗拿度產生新嘅東西,佢嘅技術及身體質素都係世界級的,但佢嘅花招更加係冠絕全球。

施維斯達:「朗拿度有非常多嘅技術花招,同時可以不斷創造新招,因此其他人根本難以判斷佢會用邊一招,佢就係一名天才。」

的確朗拿度真係前無古人,佢嘅爆炸力加上技術,令一眾防守眾聞風喪膽,佢可以用速度甩開你,又可以用技術晃低你,插花、假身、步法等變化萬千,令人眼花繚亂,只可惜佢卻因為傷患影響其上限,要知道佢因為傷患都可以達到如今嘅高度,如果無傷患真係好大機會成為足球歷史嘅終極球王。

最近C朗(Cristiano Ronaldo)接受西班牙傳媒訪問時,自信爆棚地表示自己係史上最佳足球員,引起網民熱烈討論。不過,另一位朗拿度「大哨」就唔多同意,表示C朗雖然係歷史上前十球員之一,但同第一名仲有好大距離, ...
sports
【足球】C朗自稱歷史上最佳足球員 大哨:不同意,但他確實是足球史上Top10
27 Feb 2025
對於唔少外國觀眾黎講,成龍就係代表中國嘅國際場動作巨星;但對於香港人黎講,除咗演藝事業之外,成龍嘅「代言魔咒」亦相當有名。而近日外國媒體亦開始報導呢個「成龍魔咒」,原因係佢日前現身澳網男女單決賽,而無 ...
sports
【澳網】「東方神秘力量」入侵澳網 男女單決賽輸家都同成龍握過手
28 Jan 2025