有好多人無食藥，話COVID-19病毒只是重感冒，然而死亡數字從不做假，全球有好多人因此逝世，死亡率唔算十分高但足夠觸目驚心。今時今日，最受關注嘅感染者肯定係美國總統特朗普，佢年74歲，臨床屬於肥胖，愛食漢堡飲汽水，所以面臨嚴重併發症風險較一般人高。 不過佢主診醫生就講到佢現時情況良好，最佳情況可能聽日就可以出院！咁神奇？咁到底特朗普食咩野藥，可以快速痊癒回到選戰場？原來主要有兩種，一為著名的瑞德西韋(Remdesivir)以及Regeneron藥廠新出實驗混合類固醇類藥物地塞米松（Dexamethasone，簡稱DXMS），當然點用藥同劑量係根據個別病人身體狀況，唔係你自己去淘寶淘兩隻藥返來就自己醫到COVID-19，總之有錢名人無咩幾多個出唔到院！但你唔係名人富豪，所以戴好口罩提防第四波衝擊好重要！

特朗普感染COVID-19，雖然無英國首相Boris Johnson咁嚴重，可以座定定處理公務，但根據佢主診醫生表示，總統特朗普星期六個陣曾一度血氧飽和度下降到93%，並曾有輕微氣喘。於是即時啟動服食全新實驗藥物地塞米松（DXMS）治療，接受左新藥類固醇治療之後，特朗普血氧水平目前為98％，重回正軌仲可以座車係醫院外圍繞場一周向支持者揮手答謝。(主診醫療團隊對此行為負評不滿！)原來血氧飽和度係新型冠狀病毒患者的關鍵健康指標。正常讀數係95到100之間。睇住呢個指標就可以了解患者情況。根據特朗普的醫療專家Brian Garibaldi博士指出，特朗普係星期六接受了第二劑實驗藥物瑞德西韋以及第一劑的DXMS，並且並無顯示出任何副作用。

One more medical nuance: dexamethasone, a powerful steroid, can cause confusion – w/ obvious implications here. As an anti-inflammatory, it can also lower fevers & aches; pts sometimes feel better, even if their underlying illness isn't any better or their risk any lower...(1/2)

— Bob Wachter (@Bob_Wachter) October 4, 2020

所以我地可以話瑞德西韋就係輕微症狀患者的治療藥，抑制病毒的繁殖能力然後再睇住身體狀況，如果病人開始血氧飽和度下降，情況轉差就再加服地塞米松（DXMS）抗體幫助免疫系統清除病毒體。不過地塞米松（DXMS）對病情較輕的患者可能有害。對非重症病例絕對唔可以亂用。美國國立衛生研究院（National Institutes of Health）指南只建議當要用呼吸機或正在接受補充氧氣的​​COVID-19患者使用地塞米松（DXMS）。因為過早使用會有問題之一係類固醇會破壞某些免疫細胞，從而阻礙人體自身抵抗感染的能力。

反正總統特朗普身體轉好最快可能聽日就出院， 所有曾經想像過特朗普會因為肺炎身亡嘅人可以死咗條心！不過又唔好因此以為美國嘅治療能力好勁， 特朗普本身嘅身體都係非常強壯，係美國摔角大聯盟級別嘅人物，並非泛泛之輩公園阿伯。而美國已有超過209,000名人被COVID-19殺死，是迄今為止全球確認的死亡人數最高的國家。總共有近740萬人受到感染，當然要好似特朗普咁樣獲得世界全天候關注和全新實驗性藥物治療的人就絕無僅有。