本應該今年舉行嘅2020東京奧運，因為疫情而延期為「2021東京奧運」，日本政府方面當然希望搞得好好睇睇。而日本傳媒近日報導，指為咗配合奧運舉行，日本將於1月公佈開放旅行入境嘅安排及條件，最快4月就開始準許外國旅客入境日本！

據《日本時事通訊社》報導，日本政府正就重新開放旅客入境展開相關研究，目前提出嘅方案包括旅行於自己國家申請簽證時必須下載日本政府嘅防疫App、出發前獲得肺炎陰性證明、亦要為入境後有可能使用當地醫療服務而購買保險。如果係咁睯話旅客入境後就唔使強制隔離14日，但就要用個APP紀錄身體情況，而日本政府亦會設立「發燒健康諮詢支援中心」，以協助對應情況。

具體措施預計1月公佈、最快4月試行，如果疫情持續，就算奧運完結後相關措施都會保留，以幫助恢復海外旅客人數。但目前日本政府仲未決定到會否向入境人數設限，《日本時事通訊社》引述日本政府知情人士話要睇全球疫情發展。

圖片：《日本時事通訊社》

雖然未知到時安排係點，但對於急切地想「返鄉下」嘅人黎講，都算係有曙光呀！