原定今年暑假開幕、因疫情延期嘅日本環球影城任天堂主題園區「超級任天堂世界 (Super Nintendo World)」確定會於明年2月4日正式開幕。

圖片：Reuters

「超級任天堂世界」嘅建這工作，其實早就已經進行得八八九九，但由於疫情影響旅客訪日、再加上避免人流聚集，所以日本環球影城方面自6月宣佈延期開幕之後，就一直都冇講明究竟會幾時正式開。而隨住日本政府堅決要於2021年搞成同樣延期一年嘅奧運，再加上日本逐步 (而緩慢地) 對外開放，日本環球影城亦宣佈新園區會於2021年2月4日開幕。