Netflix大熱劇集《紙房子》表面上係一套犯罪片，但有睇過嘅大家都知，其實佢係一套愛情片——一入到間銀行班人嘅主要工作就唔係偷錢，而係偷情——再加角色之間嘅恩怨情仇，係咪有啲韓劇Feel？似咁就啱啦，因為Netflix真係會拍套韓國版《紙房子》出黎。

圖片：IMDB

據《Deadline》報導，原版製作人Alex Pina將會擔任韓國版嘅製作人，而導演就會交由曾經拍出《Voice》、韓國版《欺詐遊戲》嘅金洪善擔任，其老拍檔劉在勇就會負責劇本。目前未知會有邊啲演員主演，亦未知幾時開拍及播放。

圖片：IMDB

Alex Pina就話，韓國創作者多年來都能夠打破語言及文化規限，佢哋製作嘅劇集迷倒全世界萬千少年，所以佢都好開心《紙房子》能夠吸引到韓國創作人嘅改篇。