日本係一個神奇特別的市場，除左動畫電影極受歡迎外，虛擬偶像YouTuber都成為日本大紅的網絡現象，甚至VTuber 品牌 hololive係網上舉行第二次售票收費大型官方演唱會近日開場，並成為超熱話題人氣一度衝上日本Twitter趨勢冠軍。一班虛擬YouTuber開演唱會，人氣居然贏同時間進行 TBS 電視台播放各路傳統真人氣歌手曬冷音樂節目《COUNT DOWN TV》，當中歌星陣容包含福山雅治、KinKi Kids、乃木坂46、Perfume、BTS 等共數十組歌手。更有椎名豪加中川奈美公開演唱《鬼滅之刃》炭治郎之歌。結果依然不敵網絡VTuber大曬冷演唱會，可見日本的潮流實不為外界所理解，唔知香港有無可能成就到VTuber 呢樣野呢？

日本 VTuber 品牌 hololive 於今日舉行旗下第二次大型官方售票演唱會，一度衝上日本推特趨勢第一。昨日首日演唱會由四期生的五位成員擔綱開場熱唱，首日演唱會的主要成員包括左時乃空、AZKi、樱巫女、夜空梅露、赤井心、湊阿庫婭、癒月巧可、紫咲詩音、兔田佩克拉、潤羽露西婭、寶鐘瑪琳。整場演唱會以即時 3D 投影的方式進行，最後直接輸出 3D 模組。由於疫情緣故，今次演唱會全網上進行並沒有開放線下歌迷真人入場，過去無疫情況歌迷可以結集入場一豪興奮現場睇虛擬演唱會。

昨日情況引發討論其中一個特別之處係演唱會同一時間，由 TBS 電視台播放的音樂節目《COUNT DOWN TV》正好同時開播聖誕特別節目。特別節目之一係日本各路大牌歌星齊聚一堂預賀冬日佳節獻唱，當中包含福山雅治、KinKi Kids、乃木坂46、Perfume、BTS 等共幾十組歌手。仲首次請到椎名豪加上中川奈美公開演唱《鬼滅之刃》炭治郎之歌。然而，咁多真明星歌手免費唱歌，人氣同關注度都輸比 hololive虛擬演唱會，hololive 聰明地允許觀眾截圖分享，加上今日未出場的成員以同步收看的方式協助宣傳，成功引發話題，短短一日時間就係 Twitter 爆出 30 萬則以上的相關推文，力壓年末大節目搶佔日本Twitter 趨勢冠軍。

キンキ最高????

メガヒットライブ！
♪　シンデレラ・クリスマス ／ KinKi Kids#KinKiKids pic.twitter.com/917SINMyox

— 音楽が命です THE SECOND (@ongaku_tv2nd) December 21, 2020

大體上傳統真人輸左，不過個別都有 KinKi Kids 以一身奇妙聖誕樹裝束登上 CDTV 演唱引發話題，令 CDTV 爆上趨勢第一的位置，不過整體推文數量依然遠輸 hololive 演唱會。hololive 今日將舉行第二日的演唱會，由白上吹雪、夏色祭、蘿蔔子、亞綺·羅森塔爾、大空昴、百鬼綾目、大神澪、猫又小粥、戌神沁音、星街彗星、不知火芙蕾雅、白銀諾艾爾出演。其實大家識得幾多個日本 VTuber？真心想知VTuber呢種虛擬文化將來可唔可以係日本以外成為熱潮？我地世界會唔會迎來明星偶像虛擬化？實在係一個有趣的現象。