距離2月14仲有成個月，不過日本明治製菓（Meiji）聯同《森林家族》合作，公開教大家以明治推出的各種產品砌朱古力糖果屋冧女 ，出埋貼心製作說明圖示，只要買齊朱古力材料就可以砌模型咁跟住整個朱古力屋出嚟，成品咁靚到時又砌又食你點話點好啦！

大家可以試試跟著做！喜愛甜點控的女女一定鐘意糖果屋的夢想，明治今次推出合作企劃，用朱古力重現《森林家族》系列新手入門必備的「森林家族小紅屋」，白朱古力片、牛奶朱古力片構成房屋主體，特色的紅色屋頂則是用朱古力豆呈現。官網仔細寫齊所需材料以及圖解說明，當然，所有的材料你可以係明治的產品系列中搵得到，只要購入需要的朱古力就可以試做出自己的糖果屋～材料的黏合劑全部都係使用朱古力醬，唔止咁房子內的家具例如長凳、椅子、小桌子等你夠決心都可以跟住做出來，喜歡甜品朱古力控的女友相當值得挑戰。

https://www.meiji.co.jp/products/brand/chocodaisakusen/choco_ouchi/