電腦Steam的遊戲世界任何題材都可以成為模擬器供人體驗，一般模擬遊戲除左有人唔做扮貓扮狗外，而家仲有最新職人系列扮演防暴警察，專門感受前線防暴處於劍拔弩張的示威現場體驗，遊戲係模擬警察如何控制及維持衝突現場，當然任何你想像得到的手段裝備警棍、盾牌、催淚彈、水砲車，橡膠子彈通通都有《Riot Control Simulator》工作就係維持秩序保護政府與當權者依法治國，不過呢D遊戲壓力太大，我情願玩模擬扮馬做隻簡單的馬仔任喝任鋤頭望低。

遊戲世界真係咩都有得玩，之前有模擬示威扮演示威者的遊戲，當然都會有易地而處，代表政府維穩扮演防暴警察的遊戲。如果有人想體驗係社會運動示威甚至外國大型暴動中如何維持現場秩序與安全，更甚想親身試試鎮壓手段呢個就係你最好的機會，當然玩就易實際真係一點都唔好玩，起碼玩遊戲感到壓力太大可隨時可轉玩下成人遊戲搵下異性消遣一下，真係工作的防暴面對壓力只能硬食無得放低制服衝去搵異性消遣。

《Riot Control Simulator》係由 Corpix Games 所開發的模擬遊戲，根據官方資訊，玩家所扮演的警方除左係抗議現場維持秩序外，仲有各種手段能夠使用或用以鎮壓，例如盾牌、警棍、水砲槍、催淚彈甚至槍械等。遊戲當中如果玩家的行動過於激烈將會導致民眾更高的敵意，倘若任意施暴，就會遭到民眾以汽油彈、石頭或者球桿等反撲，不過防暴警方擁有絕對載具優勢，整個遊戲的任務就係以一切手段維持秩序保護政府與當權者。咁熱燙的遊戲玩唔玩隨得你，但做人已經難，做防暴仲難，真係唔係普通人玩的終極模擬遊戲！