香港作為國際金融中心，都以工作、金錢掛帥，但工作背後每個打工仔都一定想Work-Life Balance，而佢地嘅要求其實可能好簡單，可能係每朝歎到杯咖啡，放工歎到支啤酒。而LCX近日就推出「朝啡︰暮酒」Pop Up 企劃，其中「朝啡區」就係早上充滿咖啡香氣嘅咖啡廳，「暮酒區」就係型格輕工業風酒館。

「朝啡︰暮酒」Pop Up 企劃當中，「朝啡區」還原Today Is Long（簡稱TIL）原店裝潢，以澳洲日落為靈感，當中加入大自然元素，視覺上充滿陽光氣息，喚醒早上睡眼惺忪嘅你；相反，「暮酒區」係由Blaze Beer Club和Carbon Brews一同合作，而Blaze Beer Club更加係首次舉辦Pop Up Store。喺極具格調嘅輕工業風環境中，就像置身於酒吧裡面，盡享放工後嘅Happy Hour。

「朝啡︰暮酒」Pop Up 企劃期間限定店，除左提供過百款精品咖啡及手工啤酒外，更會於週末舉辦手工咖啡及啤酒主題嘅限定工作坊，等你喺唔使番工嘅日子可以體驗不同嘅特色活動，助你Work-Life Balance。

日期：即日至7月11日

地點：尖沙咀海港城海運大廈LCX