早前有人話塔利班入城予人耳目一新感覺，兩日前當美軍正式撤出阿富汗後，塔利班成功接收喀布爾國際機場並係坎達哈大本營舉行盛大勝利大遊行，駕駛多架美國製悍馬軍車、 MRAP 裝甲車、M1117 輕裝甲車以及 Navistar-7000 系列中型戰術輪車齊齊巡航，最厲害空中仲驚現美製UH-60黑鷹直升機低飛巡遊，一舉打破美國政府多次表示塔利班缺乏受訓練飛行員及地勤人員，唔識揸直升機的諷刺。塔利班真係識玩舞掂黑鷹直升機才令人感覺耳目一新吧？

Today's Kandahar.
The Taliban say they are celebrating their victory in the province today. pic.twitter.com/K8EIR17xBi

— Ziar Khan Yaad (@ziaryaad) September 1, 2021

負責中東戰區的美軍中央司令部（USCENTCOM）司令 Frank McKenzie 陸戰隊上將，8 月 30 日記者會表示，美軍撤離前已經將喀布爾機場內 2 組 C-RAM 防空飛彈系統、27 架悍馬軍車、70 輛 MRAP 防雷裝甲車和 73 架隸屬美國和阿富汗政府軍的飛機全數拆除或破壞，不過塔利班早係進軍喀布爾途中，就已經收獲取得大量美軍遺留下的裝備。單係兩日前坎達哈勝利大巡遊 Twitter 影片就可見隊伍可看到大量美軍裝備軍用車輛，最令人震驚的係參加巡遊的仲有一架低飛的前美軍UH-60黑鷹直升機！直接話畀世人知道塔利班係有直升機師！

美國UH-60 黑鷹直升機係Sikorsky公司1974 年研發，用嚟取代舊式 UH-1 Huey中型通用直升機，目前依然係美軍及好多國家軍隊嘅主力運輸直升機，長 19.76 公尺、寬2.95 公尺、高 5.13 公尺，可搭載 14 位士兵或 1.2 公噸貨物，最大航速 357 公里，戰鬥航程約 592 公里。據報道塔利班至少由阿富汗政府軍手中取得 33 架以上黑鷹直升機，及另外 76 架唔同型號直升機，此外仲虜獲 65 架運輸機和輕型螺旋槳攻擊機。睇嚟塔利班要盡快訓練一隊空軍機師，大把飛機過你玩！

曹操都有知心友，其實塔利班作為遜尼派穆斯林組織，仲有好多朋友支持，能夠同美國周璇二十年，長期得到巴基斯坦以及波斯灣國家等同為遜尼派穆斯林國家的各種祕密支援，所以塔利班出現合格直升機飛行員其實唔讓人感到意外。如果塔利班開放外資去坎大哈投資搞地產項目競逐中原才讓人大感意外，耳目一新！