朝早起身飲杯咖啡會唔會就係你每日最幸福嘅時光? 確實每日面對繁重嘅工作，一杯美味嘅咖啡就係精神所在。唔知你又會鍾意自己沖定係出街買呢? 喺疫情之下，相信你都會減少左出去咖啡店坐低歎咖啡，相反為屋企添置一部精美咖啡機可能更符合時下環境。

近日意大利咖啡機品牌De’Longhi就邀請到荷里活國際影星畢彼特及電影La La Land《星聲夢裡人》導演戴米恩查素同大家分享De’Longhi由豆到杯所帶來嘅完美咖啡。

今次De’Longhi主題為《Perfetto》，廣告構思黎自畢彼特嘅咖啡日常，就係佢喺陽光明媚嘅早晨，帶住岩岩買嘅咖啡豆，型到爆咁揸住電單車穿梭洛杉磯，途中經過唔同地點，最後番到屋企，以De’Longhi全自動即磨咖啡機沖製一杯香氣四溢嘅咖啡，享受最期待嘅Home Coffee時刻。《Perfetto》代表住最愛嘅咖啡豆遇上大師級 De'Longhi全自動即磨咖啡機，就係喺屋企品嚐完美意式咖啡嘅最好時刻。

畢彼特表示自己係Cappuccino及Espresso嘅愛好者，佢非常欣賞意大利嘅咖啡文化，覺得咖啡唔單只係一種飲品，更可以連繫生活，而今次佢就覺得廣告好成功將「咖啡係生活一部分」嘅概念呈現出來。