由Robert Zemeckis執導嘅《Back to the Future（回到未來）》三部曲，憑藉時光車（DeLorean DMC-12）、懸浮滑板、Air Mag等充滿想像力嘅「未來」元素成為80年代經典科幻電影，至時依家睇仍然係劃時代設計！近日香港著名玩具品牌Hot Toys就參照第一集造型，分別推出「Marty McFly & Einstein」以及「Doc Brown(豪華/普通版本)」1：6比例珍藏人偶。

首先係「Marty McFly & Einstein」，人偶高約28cm，全身共有30多個可動關節，以《回到未來》第一集造型為藍本，將1985年經典牛仔外套、黑白格紋襯衫、招牌橙色背心外套、紅色T恤活現到人偶身上，而頭雕部份就參照Marty McFly經常展露嘅皺眉表情。另外，人偶更配備一隻同樣以1：6比例製作、高8cm嘅狗仔「Einstein」，以及滑板、手提攝錄機、卡式錄音帶機連耳筒等多個配件，令玩家能夠遂一還原電影場景。

接住落嚟就係（普通版）「Doc Brown」，人偶高約30cm，全身共有30多個可動關節，以電影實驗保護衣造型為製作藍本，由外型層次到裝飾細節都按照戲服精細還原，頭雕部份就參照Doc Brown嘅神經誇張表情。同時配備精密遙控器、資料板連筆記、兩隻手錶、計時器等等N個實驗配件及工具。另外豪華版除咗有齊晒普通版所有內容之外，更追加一個鈽（Plutonium）元素箱連一個可裝拆Plutonium元素樽，等玩家能夠好似Doc Brown咁將鈽元素樽拎起。

《回到未來》Marty McFly & Einstein 1:6比例珍藏人偶

零售價：HK$1,780

推出日期：約2021年第3季至第4季

《回到未來》Doc Brown 1:6比例珍藏人偶

零售價：HK$1,680（普通版）/HK$1,830（豪華版）

推出日期：約2023年第1季至第2季