Bruno Mars與周杰倫於音樂上各自有一番杰出成就 (當然言行方面就另一回事啦下)，所以當上年傳出佢哋會「合作」嘅消息時，唔少樂迷都非常興奮。但原來佢哋唔係合作出歌，而係出冧酒 (Rum)，事關佢哋共同創立咗個南美冧酒品牌「SelvaRey Rum」，近日亦正式登陸香港。

卻說Bruno Mars三年前就已經開始籌備SelvaRey Rum，並親自擔任創意總監，適逢周杰倫去年推出南美風單曲《Mojito》大受歡迎，甚至連國外都有人翻唱，紅到連Bruno Mars都知，於是主動詢問合作可能，促成周杰倫加入成為股東之一。

當然，SelvaRey Rum唔係單靠兩位歌手嘅名氣吸引人，其出產嘅四款冧酒亦的確有其獨特之處。由傳奇釀酒大師Francisco “Don Pancho” Fernández於巴拿馬叢林莊園釀造；而有金色線條以及圓型Logo嘅高挑酒瓶就出自Bruno Mars本人，亦有適合收藏或送禮嘅禮盒裝。

SelvaReyOwner’s Reserve冧酒 HK$2,500 (禮盒裝) /40% ABV

SelvaRey Rum嘅白冧酒及朱古力冧酒於《The Tasting Panel》雜誌評測中分別獲得94及95分，是該雜誌評測同類酒嘅歷史最高分。前者帶雲呢拿、青檸批、柑橘、菠蘿風味，清爽有活力；而後者則於五年冧酒中加入天然可可豆，據說有陣阿華田香。另外品牌亦會於香港推出以多款15至25年冧酒調配而成嘅「Owner's Reserve」。除咗「齋Sip」之外，當然亦可以加入不同材料製成Cocktail，品牌亦貼心地附上調配方法，方便大家於家中享用SelvaRey Rum嘅南美風情。