繼Google熱搜關鍵字榜單後，今日YouTube香港就公布本年度各大排行榜，其中「年度十大熱門影片」由「PUI PUI 天竺鼠車車」第一話成功以192萬觀看次數奪冠，而自上年10月開始營運，試吓試吓，試到上九展嘅「試當真Trial & Error」就成為本年度最熱門創作者。

喺創作者方面，「試當真Trial & Error」、探討香港奇案嘅「解密工作室」以及分享健康資訊嘅「健康旦」分別成為年度十大熱門創作者前三位。而由幾位前果籽員工成立嘅「米紙」，就以驚人嘅訂閱增長速度成為年度十大人氣創作者榜首。另外值得注意嘅係，年度十大熱門音樂影片入面，Mirror足足包攬咗7席，可想而知Mirror呢一年嚟究竟有幾紅！而大家近排瘋狂唱嘅MC $oHo & KidNey ft. Kayan9896 -《係咁先啦》亦榜上有名。

至於本年度十大熱門影片排行榜，就由日本超人氣定格動畫《PUI PUI 天竺鼠車車》第01話奪冠，緊跟其後嘅係姜濤喺2020年叱咤頒獎禮嘅獲獎片段。