{ SKIP }
文:MenClub 魏文青  
POSTED ON 14 Mar 2022

曾協助新英格蘭愛國者 (New England Patriots) 六奪超級碗,2020年轉投坦帕灣海盜 (Tempa Bay Buccaneers) 以43歲之齡個人第七次奪冠、目前三奪常規賽MVP、五奪超級碗MVP、被譽為NFL有史以來最佳球員嘅Tom Brady,本來就喺今年2月1日宣佈退役,但事隔啱啱好40日佢就突然「反口」,話自己都係會繼續打。有趣嘅係佢喺宣佈復出之前,啱啱去完睇曼聯現場,仲被C朗問佢:「你唔打啦?」

先講Tom Brady嘅復出消息。Tom Brady於香港時間今早於Twitter發文,話經過呢兩個月時間,佢發現自己都係應該身處球場上而唔應該處於觀眾席,「(做觀眾睇波嘅) 呢一日會黎,但唔係依家」。然後佢話佢好愛隊友們,亦好愛非常支持佢嘅屋企人,係佢咃令到一切都有可能。然後就宣佈黎緊開季會回歸Tempa Bay Buccaneers,繼續其個人第23個球季。該帖文獲超過53萬個讚好、2.3萬個留言。 

而喺Tom Brady宣佈復出前僅僅幾個鐘,佢其實身處英國奧脫福球場觀看曼聯對熱刺嘅英超大戰,仲喺熱身時間落球場同C朗傾咗陣計。而ESPN就報導指,兩位「GOAT」見面時C朗曾問Tom Brady:「你唔打啦? (You're finished, right?)」,Tom Brady就似乎有口難言,相信係當時就已經知道自己即將復出、但又未可以公開講。而賽場上同樣身為「老將」嘅C朗上演帽子戲法,協助球隊以3:2擊敗熱刺,會唔會就係見到C朗咁Fit,所以Tom Brady先喺賽後幾個鐘就宣佈復出呢?

經典恐怖電影系列《恐懼鬥室》在2023年推出第10集《恐懼鬥室X》,難得喺爛番茄獲得正面評價並斬獲1.12億美元。片商獅門影業見勢頭好,亦即刻宣布開拍續集。不過,最近有消息指由於製片人之間出現拗撬,電影已擱置製 ...
hobby
【影視】消息指《恐懼鬥室11》因製片人內訌導致取消製作
18 Mar 2025
如果《John Wick 5》冇Keanu Reeves嘅話,仲能唔能夠吸引觀眾入場呢?
hobby
【影視】獅門影業確定製作《John Wick 5》 Keanu Reeves會否回歸仍然是謎
17 Mar 2025