為慶祝《超人》問世55周年，《EVA》導演庵野秀明及樋口真嗣繼《真．哥斯拉》後再度聯手，以初代超人為藍本推出「真（シン）」系列新作《真．超人》（シン・ウルトラマン），隨住電影將於5月13日喺日本上映，日前官方就公開正式預告！

電影講述巨大不明生物「禍威獸(カイジュウ)」連接出現危害市民安全，而且一般武器對禍威獸完全無效，於是日本政府集結一班專家成立特別部門「禍特對（カトクタイ）」（全稱：禍威獸特設對策室），由組長神永新二（齋藤工 飾）帶領淺見弘子（長澤正美 飾）、田村君男（西島秀俊 飾）、瀧明久（有岡大貴 飾）等組員，正當大家一籌莫展之際，一個銀色巨人就突然出現...

從預告當中除咗見到多隻禍威獸，仲可以見到超人使出招牌絕技十字死光，威力大到貫穿整個山頭，而且片尾更出現超人變身畫面，相信唔少Fans都會睇到非常感動。暫時未知香港會唔會上畫，有興趣嘅朋友密切留意啦。順帶一提，電影主題曲《M 八七》由日本超人氣歌手米津玄師操刀。

資料來源：shin-ultraman