日本人吸收外來文化發揚光大嘅能力無與倫比，扭蛋就係由日本人借用美國雜貨舖扭糖機加以轉生而成。昭和52年(1977年)日本Bandai首推蛋殼狀玩具膠囊引發扭蛋熱潮，從此扭蛋熱傳遍海內外至今已經45週年。因此Bandai將於5 月中係全日本推出「扭蛋機扭蛋玩具」，重點正是第一部扭蛋機型號“BVM100”，如果你係扭蛋機扭出扭蛋機玩具，裡面又有一部裝住扭蛋機嘅扭蛋機玩具將會相當有趣！值得入手扭一扭！

日本Bandai公司5月份推出的扭蛋機玩具扭蛋為 1/12 比例（高約 6 cm），每個扭一次價值為含稅 300 日元！為扭蛋機45週年紀念活動之一。今次發售1:12扭蛋機玩具共有六種款式，最受期待當然為初代扭蛋機型號“BVM100”，之後仲有新型扭蛋機“白色”、“橙色”、“黑色”、“藍色”和“黃色”五種！扭蛋機玩具同真扭蛋機一樣可以打開，只要將你嘅玩具膠囊放入並轉動手柄就可以將扭蛋機玩具裏面嘅扭蛋扭出嚟！

為紀念 4 月 29 日（昭和日）扭蛋開始發售，將會係“扭蛋百貨店池袋總店”等全日本 9 間店鋪提前發售45週年紀念版扭蛋機扭蛋玩具。其餘8家分別為“東京空町店”、“新宿丸井別館”、“橫濱Vivre店”、“金澤Forus店”、“OS Cinemas Kobe Harborland店”、“博多運河城店”、“福岡Parco店”和“櫻町熊本店”都將會公開發售！據說最早購買足3件的人將獲得數量有限珍藏“扭蛋機45 週年小型書”一本。玩具書仔一本大約 5 厘米，裡面總結左由 1977 年到如今的扭蛋機演變過程，紀念書仔不公開出售。據說“BVM100”型號為非常限量，需要投入好多先有機會扭中！