以《EVA》系列聞名於世嘅庵野秀明監督，近日獲日本政府頒發專門授予「學術、藝術、運動中貢獻卓著的人」嘅紫綬褒章，與大克友洋、高橋留美子、秋本治等動漫界名人齊名。而佢於得獎感言就話「好似我呢啲咁嘅宅宅，真係適合拎呢個章嗎？」

圖片：Wikipedia

庵野秀明監督以《EVA》系列聞名於世，而其出道作《飛越巔峰》、《冒險少女娜汀亞》，以至近年嘅真人電影《真．哥斯拉》等都對日本文化有重要影響，故因此而獲綬褒獎。庵野秀明監督於Khara官網上發出得獎感言，劈頭第一句就話「文化廳搵我之前，我連勳章及褒章都分唔清 (注：前者通常為對國家有功，後者係個人領域成績出眾)」，然後佢又話自己作為一個宅宅，唔知適唔適合拎到呢個榮譽，但佢相信已經過世嘅父母以及祖母會感到好高興，所以佢都會感激地接受。

圖片：截圖自Khara

然後佢就多謝太太、所以合作過嘅工作人員及演員，以及支持動畫、特攝嘅Fans。接下來佢會繼續製作有趣嘅動畫及特攝作品，以回饋相關文化。