{ SKIP }
文:MenClub 魏文青  
POSTED ON 28 Apr 2022

文字本身冇語氣、冇表情、冇情緒,所以「純文字溝通」有時會令人誤解你嘅意思;自從出現咗Emoji之後,的確係令文字都可以有感情,但就衍生出其他問題。一名日本Twitter用家「上野_ラブホスタッフ (@meguro_staff)」日前就發佈咗一個小型調查,搵出「女性最討厭男人用嘅Emoji」。

首先,香港人極鍾意用嘅笑喊只係排第18,得分為1.97 (越低越好),而據「上野_ラブホスタッフ」嘅定義,2分以下嘅表情都係相對安全,可以放心使用。而2-2.5分嘅表情就係「基本上冇問題,但有啲女仔會唔鍾意」,2.5分-2.6分屬危險區域,或者會影響對方對你嘅印象。而2.6-3分就係超危險區域,呢類Emoji「通常都令人作嘔」,係自以為好了解對方嘅性士會用。

至於處於「死亡區」、3分或以上嘅,就有「飛吻」、「單眼」以及好多人都非常討厭嘅「滴汗」,「上野_ラブホスタッフ」指呢啲Emoji「令人非常嘔心」,係「自戀男」經常使用,所以千祈唔好對女性使用。

圖片:@meguro_staff

雖然呢個研究只係搵咗31名日本女性為Emoji評分,統計學上就唔算太有代表,同時香港女性對於Emoji嘅理解又可能會與日本女性有啲出入。不過個重點其實都係唔好用啲太輕浮、作狀嘅Emoji,大家同女仔傳訊息時要記住啦。

資料來源:@meguro_staff

經典恐怖電影系列《恐懼鬥室》在2023年推出第10集《恐懼鬥室X》,難得喺爛番茄獲得正面評價並斬獲1.12億美元。片商獅門影業見勢頭好,亦即刻宣布開拍續集。不過,最近有消息指由於製片人之間出現拗撬,電影已擱置製 ...
hobby
【影視】消息指《恐懼鬥室11》因製片人內訌導致取消製作
18 Mar 2025
如果《John Wick 5》冇Keanu Reeves嘅話,仲能唔能夠吸引觀眾入場呢?
hobby
【影視】獅門影業確定製作《John Wick 5》 Keanu Reeves會否回歸仍然是謎
17 Mar 2025