{ SKIP }
文:MenClub 魏文青  
POSTED ON 10 Jun 2022

無論係邊個版本嘅《Spider-Man》,反正只要有講Peter Parker首次試用能力,基本上就一定有佢用蜘蛛線蕩來蕩去再失手撞落某啲嘢嘅場面。估唔到嘅原來現實中大家都可以見到「蜘蛛俠炒車現場」——日前加州迪士尼一個表演中,「蜘蛛俠」就因為失手而撞落建築物外牆,連觀眾都睇到嚇一嚇。

在 Instagram 查看這則貼文

Darren L.(@mdglee_szm)分享的貼文

卻說迪士尼加州冒險樂園中,有個叫《Web Slingers: A Spider-Man Adventure》嘅遊樂設施,而遊樂設施每日都會進行多次實體表演,其中一個部份就係「蜘蛛俠」由一棟建築物樓頂蕩向另一棟建築物嘅樓頂高空,再跌落屋頂嘅「特技」。但日前呢個表演就出錯,「蜘蛛俠」由第一個樓頂蕩出後冇放開條繩,結果就蕩唔到去對面屋頂,而係連人帶繩跌向建築物外牆,更砸爛咗外牆嘅裝飾結構,現場觀眾立即發出驚呼。

正常表演係咁嘅

不過大家唔使擔心,因為片中呢個「蜘蛛俠」,其實係迪士尼專為呢個表演而製嘅仿生特技機械人,而且按表演劇情,「蜘蛛俠」本來就係因為唔熟悉能力,鬆開蜘蛛絲後墜向屋頂。所以今次嘅意外,實際上係就係機械人出錯冇放開條繩,結果落點錯咗。意外冇造成任何人員受傷,表演亦於暫停幾個鐘後回復正常。

經典恐怖電影系列《恐懼鬥室》在2023年推出第10集《恐懼鬥室X》,難得喺爛番茄獲得正面評價並斬獲1.12億美元。片商獅門影業見勢頭好,亦即刻宣布開拍續集。不過,最近有消息指由於製片人之間出現拗撬,電影已擱置製 ...
hobby
【影視】消息指《恐懼鬥室11》因製片人內訌導致取消製作
18 Mar 2025
如果《John Wick 5》冇Keanu Reeves嘅話,仲能唔能夠吸引觀眾入場呢?
hobby
【影視】獅門影業確定製作《John Wick 5》 Keanu Reeves會否回歸仍然是謎
17 Mar 2025