曾經成為《英雄聯盟》世界冠軍嘅香港前電競選手劉偉健 (Toyz)，近日於直播上確認，半年後或會與其前老闆鍾培生上擂台對決，更揚言願意接受台灣健身名人「館長」陳之漢嘅訓練，要上台「打死鍾培生」。

卻說館長早前於直播時透露，Toyz曾經與其接觸，希望館長可以提供格鬥訓練，而訓練嘅原因係Toyz未來有機會「入鐵籠」與某人對打，而呢個「某人」好可能係同Toyz多年黎恩怨不斷、近年又好鍾意拉人上台打拳嘅鍾培生。而後來Toyz亦於直播中回應事件，表示真係有「上台打鍾培生」嘅計劃，「有一個主辦方，他想要辦這個比賽，反正現在是我點頭了，他告訴我鍾培生也點頭了，這件事情會執行。至於甚麼時候呢，大約的時間是半年後。」但佢同時亦指事情尚未落實，佢亦未與主辦方簽訂任何合約，所以未來或者仲有變數。

Toyz隨後表示，自己目前其實冇咩嘢忙緊，所以萬一比賽真係落實，佢可以利用半年時間進行「高強度訓練」，「我不保證贏，但我保證這半年是全心全力，減肥健身增肌減脂。」Toyz亦表示，明白館長之前可能遇過啲唔認真訓練嘅網紅，所以未必好有興趣訓練佢，但「這件事對我來說不是訓練這麼簡單，是礙於面子的問題」、「我輸給鍾培生那他媽多丟臉呀」、「我論這個全世界呀，最想打死鍾培生的人，應該只有我了。」