{ SKIP }
文:MenClub 魏文青  
POSTED ON 20 Dec 2022

遊戲界一年一度盛事「The Game Award (TGA)」已於今月9日完滿舉行。不過當日典禮尾聲,《Elden Ring》拎到年度遊戲後,就有個不知名少年跟埋製作者宮崎英高等人上台,最後仲搶咪提名前美國總統克林頓拎「年度遊戲」。由於整件事、包括個少年嘅氣場都非常奇怪,所以事後網民都紛紛調查佢究竟係咩人,結果就發現其實佢大有名氣,仲同香港有啲關係。

該名少年叫做Matan Even,現年15歲。據後來佢於一個Podcast節目中表示,其實佢好早就已經混入一眾候選人之中,不過一開始時佢係選擇咗《God of War: Ragnarok》嘅團隊,因為佢預計《God of War》會拎到年度遊戲。點知最後係《Elden Ring》拎獎,而佢亦非常快速而自然地跟埋宮崎英高等人上台。而雖然當時官崎英高以及TGA嘅人都有留意到Matan Even嘅存在,但就互相以為係對方安排嘅人所以冇作出任何反應。造就Matan Even於《Elden Ring》團隊發言後,搶咪提名克林頓。

事實上Matan Even並非第一次進行類似嘅行為。佢嘅首個成名作,其實係於2019年10月,一場洛杉磯快艇隊NBA比賽中,拎住件快艇隊波衫於觀眾席上跳舞,吸引到直播鏡頭之後,就立即將件波衫反轉,現出支持香港嘅禁語,嚇到個鏡頭立即移開。而喺同年11月,佢又「亂入」遊戲開發商Blizzard舉行嘅「BlizzCon」,高呼支持香港嘅口號。

資料來源:Kotaku

經典恐怖電影系列《恐懼鬥室》在2023年推出第10集《恐懼鬥室X》,難得喺爛番茄獲得正面評價並斬獲1.12億美元。片商獅門影業見勢頭好,亦即刻宣布開拍續集。不過,最近有消息指由於製片人之間出現拗撬,電影已擱置製 ...
hobby
【影視】消息指《恐懼鬥室11》因製片人內訌導致取消製作
18 Mar 2025
如果《John Wick 5》冇Keanu Reeves嘅話,仲能唔能夠吸引觀眾入場呢?
hobby
【影視】獅門影業確定製作《John Wick 5》 Keanu Reeves會否回歸仍然是謎
17 Mar 2025