大部分鐘意汽車、電單車嘅人都有個夢想，就係總有一日自己可以親手砌起部車。不過礙於時間、地方以及技術能夠真正做到嘅人只在少數。但唔緊要！因為透過LEGO你都可以得到同樣滿足嘅體驗。近日LEGO Technic就推出以Yamaha Hyper Naked電單車系列中嘅MT-10 SP為主題嘅盒組。要親手砌起一個直四引擎絕不是夢！

編號為41259嘅LEGO®Technic™ Yamaha MT-10 SP 盒組，總共有1,478塊LEGO顆粒，組成後嘅大小約為高25cm、長44cm、寬15cm，而且幾乎完美還原真車嘅所有細節及複雜結構。當中包括變速箱內嘅變速鼓、變速箱撥叉、換擋環及棘輪鼓，完美演繹真車嘅直列四缸引擎及多級變速器。砌又好玩、擺喺到睇又開心，無論係LEGO定係電單車者愛好者都值得收藏。

LEGO®Technic™ Yamaha MT-10 SP 盒組將於8月1日起，括樂高®認證專門店、樂高®探索中心禮品店、 玩具反斗城、 百貨公司專櫃及 HKTVmall LEGO®旗艦店發售，售價為HK1,629。同時由8月1日起，萬里達車行亦會同時展出盒組成品以及MT-10 SP真車，等大家作真正嘅「Side to Side」對比。大家唔好錯過啦。

資料來源：LEGO