近年越黎越多經典動漫迎來「幾十週年」紀念，而當時嘅坐喺電視前面集集追嘅小觀眾，依家大多都變哂做阿叔。而或者係為咗迎合Fans們長大後嘅品味，又或者係睇中Fans們嘅財力，所以近年多部經典動畫都會於週年紀念推出腕錶。最新加入呢個行列嘅，就有《超時空要塞》。

日本Bandai近日宣佈，會與Seiko合作推出《超時空要塞》40週年紀念腕錶。腕錶以動畫中統合軍王牌飛行員「Roy Focker」駕駛嘅VF-1S女武神為藍本，所以用上鮮黃色作點綴。錶面6點位置有Roy Focker嘅骷髏頭紋章，9點位置就有地球統合軍嘅徽章，較為特別嘅係錶面上嘅時標0-40分位置同樣用上鮮黃色，以紀念作品40週年。底蓋同樣有《超時空要塞》40週年特別紋章。另外附送一個設計同樣簡潔嘅收藏盒。

呢隻「超時空要塞 X SEIKO 40週年紀念腕錶」目前於日本Bandai官網接受預訂，售價為44.000Yen，即約HK$2,310左右。預計明年3月出貨。

資料來源：Bandai