正所謂「物以類聚，人以群分」，好多時擁有相同特質、愛好嘅人，都會不知不覺咁成為朋友。所以靚女嘅朋友，好多時都係一個靚女。好似今晚要介紹呢位「永瀬ひな」咁，就係我琴晚介紹嘅「りりか」嘅好朋友，而佢本身亦係一位寫真界新星！

話說我琴日寫「りりか」嘅時候，發現佢IG上經常會同一個靚女出遊合照，研究過後就發現呢個靚女係現年21歲，同樣來自關西嘅現役大學生「永瀬ひな」。相比起佢朋友「りりか」因為拍攝YouTube短劇廣為人知先有機會拍攝寫真，「永瀬ひな」嘅寫真經歷就豐富得多。據佢接受訪問時提到，佢於兩年前參加選美比賽而出道，後來參加Abema TV嘅戀愛節目「シャッフルアイランドSeason 3」令人氣進一步上升，社交媒體fans暴增十萬，並正式開始藝能活動。

而由今年5月起，佢就參加日本知名水著比賽「第4回Sanspo GoGo Queen Audition」，並一路過關斬將成為最後16強，目前處於準決勝階段，正馬不停蹄於全日本參加水著攝影會爭取選票，假若成功晉級就會於10月19日參加決賽。逆正因為佢不停參加攝影會，所以個IG上充滿不同嘅水著寫真，可謂養眼非常。

如果大家都覺得佢非常吸引，或者就可以幫手集氣，祈求佢於比賽中有好成績啦！

IG：hina_nagase_