由Denis Villeneuve執導嘅史詩科幻大片《Dune: Part Two（沙丘瀚戰：第二章）》叫好又叫座，截止目前全球累計票房高達5.79億美元，於各大影評網站獲得高度好評，就連名導史提芬史匹堡亦給予高度肯定，大讚《Dune 2》係佢睇過最精彩嘅科幻電影之一。

曾兩度獲得奧斯卡金像獎最佳導演嘅史提芬史匹堡（Steven Spielberg）日前於Podcast節目「Director’s Cut」訪問Denis Villeneuve，除咗對電影讚不絕口，表示《Dune 2》係佢睇過最精彩嘅科幻片之一，同時對Denis Villeneuve嘅創造力及願景給予高度肯定，能比肩一眾著名導演：「我好榮幸能夠坐喺到同你傾計。唔少電影製作人都係世界嘅建造者，其中包含大家耳熟能詳嘅Georges Méliès、Walt Disney、Stanley Kubrick、George Lucas、Ray Harryhausen、Federico Fellini、Tim Burton、Wes Anderson、Peter Jackson、James Cameron、Christopher Nolan、Ridley Scott、Guillermo del Toro等等，呢個名單仲有好多人，不過唔會好長，而我深信你就係最新加入呢個名單嘅一位。」

除此之外，史提芬史匹堡提到佢最喜歡嘅一幕就係Paul首次騎乘沙蟲：「呢個係一個關於沙漠嘅故事，全片卻對水充滿強烈渴望。縱然片中充滿滾滾黃沙，但重點其實係水，神聖嘅水渴望著綠色嘅草地，以及代表生命的藍水。你將沙漠拍成海洋，沙蟲就好似海蛇，而騎乘沙蟲一幕係我見過最偉大嘅場景之一，你令整片沙漠睇落好似液體一樣！」

據了解，Denis Villeneuve共花費44天時間才完成騎乘沙蟲片段拍攝，劇組更為此製作出一個長27米、寬7米嘅怖景。電影攝影師Greig Fraser曾表示，佢收到劇本時都非常好奇如何呈現出Paul騎乘沙蟲嘅畫面，如果拍得唔好，將會變成一件非常怪異嘅事情，所以佢哋必需謹慎處理，令觀眾唔會有所質疑。