{ SKIP }
文:MenClub 魏文青  
POSTED ON 07 Jun 2024

由HBO播放、Pedro Pascal及Bella Ramsey等人主演、改編自同名遊戲嘅《The Last of Us》劇集去年1月開播,並獲得相當唔錯嘅成績及口碑,亦令HBO於第一集播出後兩個禮拜就火速決定拍第二季。而根據《Deadline》近日報導,《The Last of Us》第二季或者唔會係整個系列嘅完結,主創更表明如果可以,佢哋可能需四季劇集先可以講哂所有故事。

《The Last of Us》劇集改編自Naughty Dog於2013年起推出嘅同名遊戲系列,目前遊戲總共有兩集,分別為2013年推出嘅《The Last of Us》,以及2020年推出、爭議不斷嘅《The Last of Us Part II》。而劇集第一季基本已經將遊戲第一集嘅所有故事講完,換言之第二季就會進入《Part II》嘅劇情。

而據《Deadline》報導,《The Last of Us》第二季將會有七集,比起第一季九集少,但原因就唔係因為《Part II》遊戲冇咩好講,反而係太多嘢可以講。兩位劇集主創Craig Mazin以及Neil Druckmann(同時為《The Last of Us》遊戲嘅創作總監兼主要編劇)早前接受訪問時表示,雖然《The Last of Us Part II》都係一集遊戲,但佢哋從中就發掘出比第一集遊戲更多嘅故事,多到一季(即目前拍緊嘅第二季)劇集都講唔哂,所以只要觀眾願意睇又有人肯投資,佢哋希望劇集可以拍到第三甚至第四季,而且表明「第三季嘅故事會更加宏大,而的確,可能要第四季先講得完。」

《Part II》新角色Abby由Kaitlyn Dever飾演

在 Instagram 查看這則貼文

Kaitlyn Dever(@kaitlyndever)分享的貼文

 

兩位主創於訪問中亦明確表示,無論劇集拍到幾多季,都唔會好似《Game of Thrones》咁超出原著劇情,換言之劇集往後嘅劇情都會大致跟隨《Part II》遊戲嘅發展。而當面對《Deadline》詢問「某位角色」嘅發展會否與遊戲有所不同時,兩位主創亦拒絕正面回答,只係話同劇集第一季一樣,「有時我哋會跟足遊戲,有時我哋唔會。隨住我哋慢慢發掘故事,肯定有啲嘢係會被擴展,至於係邊個角色我哋就會保密。」

*以下含劇透*

話說《Part II》遊戲中,深受喜愛嘅男主角Joel(劇集由Pedro Pascal飾演)早早就被新角色Abby用高爾夫球棍打死(令Joel被戲稱「喬爾夫球」),往後玩家仲要被逼操控Abby向Elly等人復仇,呢個設定令《Part II》評價暴跌,開發商Naughty Dog及主創Neil Druckmann被大量網民狠批。

資料來源:Deadline

隨住《鬼滅之刃》最新一季「柱訓練篇」將於30日完結,故事即將進入最終篇章「無限城篇」,正當Fans們猜測最終大戰會以電視動畫還是劇場版呈現時,官方就疑似走漏風聲,意外曝光「無限城篇」將製成三部劇場版播出。 ...
hobby
【動漫】《鬼滅之刃》官方周邊曝「無限城篇」將製成三部劇場版播出
24 Jun 2024
曾為《機動戰士高達》阿寶、《聖鬥士星矢》星矢、《名偵探柯南》安室透等著名角色配音嘅古谷徹,早前被爆出與37歲Fans發生不倫關係長達4年半,甚至強迫對方墮胎並施以暴力行為,引起軒然大波。時隔一個多月,古谷徹 ...
hobby
【日本】古谷徹宣布辭演《名偵探柯南》安室透、《海賊王》薩波
24 Jun 2024