《Jump》及冨樫義博（以下簡稱「富奸」）於8月中時宣佈會再次連載五話《Hunter X Hunter》，但早前「富奸」於趕工途中再次整傷條腰，令Fans擔心其身體之餘亦擔心連載進度。近日佢再次透過X（Twitter）更新自己嘅身體狀況，表示搵到自己腰痛嘅原因（之一），但心情仍然非常低落。

施術してもらい、だいぶ回復。

どうやらカラー制作中の姿勢が
今回の腰痛の原因らしい。
白黒原稿の場合と体勢が微妙に
違うの、指摘されて初めて自覚した。

やっぱカラー嫌い。 pic.twitter.com/lR4m4VKNeh

— 冨樫義博 (@Un4v5s8bgsVk9Xp) August 31, 2024

卻說「富奸」被腰痛困擾已經唔係咩新聞，而其腰痛原因，主要就係佢多年黎不論作畫定係打機時嘅姿勢都非常不正確導致腰痛，然後又因為痛令姿勢更不正確。而最近一次更加係痛到連去廁所都有困難，逼到「富奸」要減少進食避免去廁所。但8月31日佢再次更新X時，就表示經過治療之後情況稍有好轉，而且被身邊人指正之後，先發現自己畫彩稿時嘅姿勢，與畫黑白稿時嘅姿勢有「微妙嘅差別」，估計就係令腰痛加劇嘅原因。連「富奸」自己都話「果然我係討厭彩稿」。

2話分ネーム進んだ。
念の為もう少し椅子に座るのは
控えてネームやる。

カラー中断中で鬱。 pic.twitter.com/M6hHs2skzE

— 冨樫義博 (@Un4v5s8bgsVk9Xp) September 1, 2024

了解到原因之後，「富奸」呢兩日就暫停彩稿作畫，改為繪畫黑白稿分鏡，而且仲刻意減少坐喺到嘅時間，結果就完成咗兩話嘅份量，似乎代表呢個方法有用。但同一時間，「富奸」又表示彩繪被逼中斷製作令佢心情低落，而且彩稿理應係必須完成，所以最終都係要返去面對。

而留言處亦有大量Fans為佢打氣，更有唔少人表示「富奸」嘅健康先係最重要嘅，大家都唔介意慢慢等，希望佢唔好將自己逼得太緊。