由河本焰擔任原作、尚村透作畫嘅賭博題材漫畫《狂賭之淵》，繼改編成電視動畫、真人版日劇及電影後，如今Netflix亦宣布推出美劇版本《Bet》。唔知呢套漫改真人版會好似《ONE PIECE》咁成功，定還是好似《星際牛仔》咁播咗一季就腰斬呢。

據官方介紹，《Bet》由美劇《Warrior Nun（修女戰士）》主創Simon Barry領銜製作，故事背景跟足原著漫畫設定，講述一間貴族寄宿學校以賭博能力嚟決定學生階級地位，然而一位賭術高超嘅轉校生「蛇喰夢子」出現後，就徹底顛覆了相關制度，同時令佢成為學生會嘅眼中釘。演員陣容包括Miku Martineau、Ayo Solanke、Eve Edwards、Clara Alexandrova、Hunter Cardinal、Anwen O'Driscoll、Aviva Mongillo以及Ryan Sutherland等人，第一季總共有10集，每集30分鐘。

日本漫畫《狂賭之淵》自2014年推出後大受歡迎，繼而衍生出一系列作品，包括由MAPPA製作嘅兩季電視動畫、兩季真人版日劇、三部外傳漫畫及兩部真人版電影。Netflix今次翻拍似乎係想將呢部人氣作品帶到國際市場，能否成功就敬請大家拭目以待吧。