任天堂早前宣佈，因應美國推出新一輪關稅政策而延遲美國及加拿大嘅Switch 2預購，直到香港時間週日先正式公佈會於當地時間4月24日重啟預購活動，而且令人驚訝嘅係主機售價竟然維持不變——不過所有配件價格都有上漲。

據任天堂於日前宣佈，美國及加拿大地區嘅Switch 2預購活動將會於4月24日開始。而如果要於官網預購的話，就要年滿18歲、於任天堂官網登入任天堂帳號然後再登記預購，然後再等官方寄邀請電郵黎先可以預訂。值得一提嘅係邀請電郵將會以「先到先得方式，寄予今年4月2日前有付費訂閱Nintendo Switch Online服務12個月以上，同時有遊玩時間達50小時或以上嘅人」。

而預購價方面，主機本體依然係賣450美金，並冇因應關稅而加價。不過其他所有配件，包括鏡頭（原價50美金）、Switch 2 Pro手掣（原價80美金）、額外Joy Con（原價90美金）、充電器（原價35美金）等全數都會加5蚊美金。同時任攻堂亦寫明未來價格可能會有調查，換言之北美玩家可能面對住「早買早享受，仲要平幾舊」嘅情況。相信會引起一陣擔購潮啦。

資料來源：任天堂