{ SKIP }
文:MenClub 魏文青  
POSTED ON 02 May 2025

自從RDJ飾演嘅Iron Man、Chris Evans飾演嘅美國隊長、以及Scarlett Johansson飾演嘅黑寡婦等以各自嘅方式退場,「初代復仇者」中就僅餘Chris Hemsworth飾演嘅Thor、Mark Ruffalo飾演嘅The Hulk、以及Jeremy Renner飾演嘅鷹眼尚存在於MCU之中,而當中鷹眼更係自從2021年同名劇集之後就影都唔見。近日演員Jeremy Renner接受訪問時就首次披露背後原因——因為Disney太孤寒!

話說日前Jeremy Renner登上美國Podcast節目《High Performance》宣傳新自傳,期間就被問到點解2021年嘅《鷹眼》雖然口碑唔錯,但就一直都未有開發第二季嘅消息,結果Jeremy Renner就非常直接地回答:

「佢哋有搵我呀,但淨係肯畀之前嘅一半片酬我。我心諗,我要做嘅嘢變兩倍、要花我八個月去拍,然後只拎到一半錢?對唔住呀,你係咪以為我被剷雪車撞完之後個人都係得返一半呀?所以你先諗住出一半錢?」語帶怨憤之餘仲相當嘲諷。

Jeremy Renner亦提出,佢呢番說話唔係針對Marvel,亦唔係針對Marvel嘅母公司Disney,而係「Disney入面班孤寒鬼,班會計佬」;佢只強調自己唔係要拎更多嘅片酬,只係希望拎到同第一季一樣嘅錢,可惜最終都係傾唔成。佢同表示自己仍然熱愛鷹眼呢個角色,希望未來有機會再出演,但呢次佢要為自己爭取。

值得一提嘅係,Marvel與Disney過去亦曾與演員就金錢問題產生糾紛。同樣係2021年時,Scarlett Johansson就《Black Widow》電影改於Disney+同步播放而非戲院限定,係損害咗佢合約中寫明嘅票房分成協議,並將Disney告上法院。最終雙方於同年達成不公開協議和解,據報Scarlett Johansson拎到4000萬美金和解費。

資料來源:Screenrant

如果依家你有套戲想睇,你嘅第一反應可能唔係睇下戲院仲有無上、DVD出咗未,而係上網串流平台有無提供。反正依家有咁多個平台,總有一個會解決你問題吧?對於唔少人黎講,呢個改變可能屬於「方便」嘅範疇,不過HBO M ...
hobby
【影視】HBO總裁指太多串流平台混淆觀眾 然後宣佈未來加價及打擊帳戶共享
12 Sep 2025
Glen Powell表示,Chris Pratt在《Guardians of the Galaxy(銀河守護隊)》嘅演出,改善咗荷里活男主角必須嚴肅或陰沉嘅形象,令業界開始接受男主角帶點俏皮同輕浮嘅態度,間接幫佢開闢咗成為電影明星嘅道路。 ...
hobby
【影視】Glen Powell大讚Chris Pratt「星爵」改變了荷里活男主角形像:不再陰沉嚴肅,可以輕浮俏皮
11 Sep 2025