薩比家御用 Pilot萬年筆

文：MenClub 魏文青　　
POSTED ON 06 May 2016

作為一個政權嘅領導人，當然要有返啲能夠象徵身份地位嘅特權，不過領導人都有分大細嘅。如果你只係一個市長，就只可以享受漏咗行李有專人送入禁區；但如果你係統治殖民星嘅薩比家族啦喎，就可以擁有呢支由Pilot同Bandai出嘅萬年筆啦！

呢支「薩比家御用」筆以軍綠色為主調，筆桿上有金色嘅薩比家家紋，筆蓋頂端就有自護國徽章。另外筆蓋上亦有寫上「Sieg Zeon(自護萬歲)」，底部又有黑底金色嘅「ZABI」字樣，筆頭方面就用上日常生活都用到、粗幼適中嘅「F頭」。值得一讚嘅係筆頭上都刻有自護徽章同「ZEON」字眼。另外仲有個印咗薩比一家嘅禮盒添！

要擁有呢支「薩比家御用萬年筆」，唔使改姓嘅，只需要畀7560Yen，即係大約550HKD，然後等到佢10月發貨就得啦！以一支萬年筆黎講其實又真係唔算貴喎！
機動戦士ガンダムザビ家御用達万年筆