戰神丸為劍部武一郎嘅專用魔神，每次召喚嘅時候都要由武一郎打電話比戰神丸，所以經常鬧出搵唔到電話亭(當年未有手提電話)、冇散銀、甚至因為感冒聲沙而未能召喚嘅笑話。造型係手持雙刀嘅武士，因為唔識飛、亦冇遠程火力，所以極不擅長對付識飛嘅敵人，但同時白刃戰超級勁。而呢隻PLAMAX出嘅「MS-01戰神丸」全高8cm，附送雙刀「劍部刀」同「刀部刀」仲有長槍「隼之刺股」。可動性方面，基於天生缺憾，下半身就應該係冇得點郁，上身雙手可動性就唔錯嘅。