上次同大家介紹過把「七用旅行刀」，大家都一致認為佢真係「有七用」。不過所謂一山還有一山高，今次同大定介紹呢個「有七用」髮夾！

呢個盛惠USD$9(約HKD$70)嘅髮夾由不銹鋼造成，除左夾頭髮之外仲可以：

1. 夾其他嘢

2. 切生果

3. 六角匙

4. 螺絲批

5. 鋸齒刀

6. 間尺

7. 蚊香托(?)

8.射橡筋(?)

OKOK，我哋都知實有人話咩「男人老狗用咩髮夾」、「六角匙得一個大細」、「間尺得嗰兩吋」、「蚊香托真係要黎托」之類好唔正面嘅說話，但我哋做人最緊要正面啲！呢個「有七用」髮夾總有佢嘅「七用」嘅係咪！？最起碼呃……起碼你啲頭髮唔會揈黎揈去先係咪！

噢你話上面明明有八個用途，點解條題都仲係叫「有七用」？因為嗰個「七」唔係數字，係形容詞黎架嘛！