一到happy friday， 大家嘅精神狀態都即時提升至hyper級別，仲有幾個鐘頭就收工，諗起周末離自己愈來愈近就興奮！小編就為咗幫大家打打氣捱埋落去，特意搵咗啲sharp醒嘢嚟刺激一下！咪心邪，並唔係騷身材囡囡相，其實得閒睇吓啲藝術作品都可以令巴打們心曠神宜嘅！

以下由美國攝影師Emily Blincoe所創作嘅《Arrangements》作品，正好令人眼前一亮。

睇完剛剛幾幅圖，除咗覺得啲顏色好靚、好醒神之外，係唔係覺得能夠咁有心機，將唔同嘅食品或物品等等，根據顏色深淺、形狀大小，而排出順序好有heart呢？要進行呢項創作，必定要有無限耐性先得，Blincoe正正係呢類人，每日都同呢堆我哋日常所見嘅食品或物品玩遊戲，覺得世間萬物都可以化身成藝術品，所以，佢諗到呢個方法，好有恆心分類、排列，將「nature of beauty」完整地展示出嚟。