哈爾濱歌劇院

位於松花江畔嘅文化島上，由馬岩松建築事務所設計。以哈爾濱嘅冰天雪地為靈感，有如一條白色彩帶嘅線條很好地與環境融合，有別於一貫中國式嘅浮誇風。內部就大量使用木材，除咗增強聲音效果，亦增加溫暖感。

(CNN)

漢秀劇場

位於武漢嘅漢秀劇場於2014年落成，是「漢秀劇團」嘅表現埸地。靈感係來自中國嘅傳統燈籠——睇落唔似？因為大家見到嘅只係半個，另外嗰半個要靠水面反射先睇到。

(Arch Daily)

「月亮酒店」

正式名稱係「喜來登湖州溫泉渡假酒店」。外型有如一隻插咗落地嘅馬蹄鐵，但當地人就戲稱為馬桶圈，實際上嘅設計靈感係來自拱橋。由於酒店位於太湖旁邊，所以另一個設計重點係當酒店燈光投射喺太湖上時，睇落會似月亮倒影。但我認真睇過，又唔係好似咋喎…

(daily mail)

杭州市民中心

驟眼睇係六幢高層建築物圍繞一舊圓形嘅石頭，但實際建築範圍係包埋外圍四角嘅「L」形建築。整個建築群以「天圓地方、廣宇六合」為主題，或者比香港嘅「圓方」更「圓方」。

(Arch daily)

上海中心

位於上海浦東陸家咀，樓高128層，全高632米，為現時中國第一、世界第二高樓。同香港嘅ICC一樣用上雙層玻璃幕牆。外觀上最大特色為「扭轉」約90度，由Gensler建築事務所設計，當時稱為「龍形」。