在哥爾夫球界，人們談論嘅天才球手好似就只有老虎活士一個，如今可能要多一人了，佢就係23歲嘅美籍日裔球手森川科林，日前佢首次參加美國職業高爾夫球(PGA)錦標賽就成功奪冠，追平名將老虎活士、尼克勞斯以及麥伊萊嘅紀錄！

首次參加呢項PGA錦標賽嘅森川，目前世界排名第12位，但其實佢去年先正式轉為全職球手。雖然全職經驗尚淺，森川卻已經於26次參賽中兩奪PGA巡迴賽冠軍，表現驚豔。

而今次參加美國職業高爾夫球(PGA)錦標賽，森川表現非常平穩，並以並列第3身份進入最後一回合。而喺最後一回合嘅賽事中，森川頭9洞繼續正常發揮，而後9洞簡直可以用強勁來形容，其中包括第16洞離洞294碼一杆打進果嶺，然後推杆7呎入洞，技驚四座。

最後，森川以低標準杆6桿嘅64完成最後一日嘅賽事，總成績267桿以兩桿力壓前一哥德斯汀莊遜及保羅基斯。