由於肺炎問題持續，因此歐洲足協決定歐聯及歐霸8強賽事起，會起用一場定生死嘅方式進行對決，而尋晚第一場歐聯8強巴黎聖日耳門就上演奇蹟反勝！

歐聯8強第一場，法甲班霸聖日耳門面對意甲嘅奇兵阿特蘭大，後者憑住中場柏沙歷嘅入球早早廿幾分鐘已經領先，一直Lead到法定時間完結前1分鐘。但好戲呢個時候上演，處於梧區左路嘅尼馬接應隊友長傳成功控落黎，然後左腳一彈傳入中路，中堅馬昆奴斯近門撞入，為聖日耳門關鍵時刻追平！

以為雙方將準備進入加時，但只係相隔馬昆奴斯嘅入球兩分鐘，再一次尼馬在禁區頂交出妙傳比左路快速插入嘅麥巴比，後者左腳輕輕一傳中路，前鋒莫亭一撞入網，2:1！

短短兩分鐘，聖日耳門奇蹟快勝，相反阿特蘭大球員失望至極，天堂與地獄真係一線之差。對於聖日耳門黎講，佢地已經25年無殺入過歐聯4強，今次終於唔使失望而回了！